1 de merz 1976 - 1 de merz 2001
Dan 25 ani ie nosc diretëur nasciù!
Pu no no, te fales, scota pa pu!
Cie stajons'a pona tlo a festejé?
Ce dumanda, chël savres'a eh!
De chël sons'a unic sëura bele da giut,
chël sa pu monce uni pitl mut!
Ai prim de merz dl '76 fina la blëita da maester
ajache diretëur dla scola mesana al ulù vester!
Cun energies y gran ardimënt scumëncel cun la nomina dal Ntendënt.
Ntlëuta ova sculeies, genitores y nsenianc mo da scuté,
ma i tëmps fova danz bele tl lëur de mudé!
I nsenianc ova mparà al' università a fé de pitla revoluzions,
cun i genitores scumenciova n grum de discuscions.
Do y do ie i sculeies deventei for plu valënc,
ma sambën che sën se rati te scola i majeri sapienc.
Pazienza cun ëi ne n'an mei assé,
y de co i tò, ne finen mei de mparé.
Do che al'Academia Europeica n gran grum de cursc al frecuentà,
ie nosc Helmut n drë "manager" deventà.
La scola mesana trasformel te na dita,
speron che duta chësta modernità ne sibe nia na desdita!
Tl daunì aral da se rumpì l cë cun l'autonomia,
la scola elementera, l'evaluazion y vel'autra strambaria.
Perchël ala pension ne dëssel mé nia pensé,
mo 25 ani tla scola mesana al da resté.
Tan saurì ne l lascions'a nia jì,
ntant l regrazions y dut l bon ti mbincions per l daunì.
I nsenianc dla Scola Mesana de Urtijëi