L cuarto lunesc de utober de uni ann vënel festejà l Di nternaziunel dla biblioteches de scola.

Chëst ann meterà duta la biblioteches de scola de nosta provinzia a jì na manifestazion particulèra per l’ucajion y nosta scola sambën ënghe.

L ie n di che dëssa auzé ora la mpurtanza dla biblioteches de scola, y tlo iel da dì, che nia uni scola à la fertuna de avëi na si bibliotech.

Duc i studies à desmustrà che na bibliotech de scola juda dassënn a auzé l livel dla scola, nsci fossel ideel sce uni scola ëssa na si bibliotech, sce nia muessen cialé de cunlauré cun na bibliotech publica tan bën che la va.

Tla provinzia de Bulsan se mpënien dai ani a mëter n pé na rë de biblioteches de scola, tulan su personal nsenià ju aposta y fajan la leges aldò che chësta biblioteches ebe nce n finanziamënt segurà.

Mpo ne iel giudeno duta la scoles che à na bibliotech njenieda ite bën sciche la nosta, son propi fertunei y speron che son boni de s’la nuzé sche toca.

Per festejé chësc di uniral ai n lunesc ai 27.10.2008 l’ultima mes’ëura de scola liet dant te tlas: uni maester y uni maestra liejerà dant ora de n liber che l/la à dassënn gën.

I dis dant fajerà i sculeies dla scola elementera n sënialiber cun si inuem lessù. Chisc sënialibri unirà n’ena alalongia tachei ora te port de scola, ulache duc possa i udëi.

Te scola mesana prejënta na tlas ai autri sculeies libri liec ntan l instà cuntan dla storia, scrijan na descrizion di prutagunisc', cun dessënies y.n.i.

Tres chësc di ulons che duc posse se rënder cont da nuef:

“Ce bel che on na bibliotech de scola!”